«PARYZ» Қазақстан Республикасы Ұлттық жұмыс берушілер Конфедерациясы мен Қазақстан HR-мамандары Ассоциациясының өкілдері арасында жұмыс кездесуі өтті.
Күн тәртібінің басты мәселесі – қызметкерлер, HR-мамандар және халық көзқарасынан үздік компанияларды анықтауға бағытталған елдегі бірінші тәуелсіз зерттеу мен жұмыс берушілер рейтингін бастау.
Жоба «Парыз» конкурсына қатысуға дайындық аясында Конфедерация мен Қазақстан HR-мамандары Ассоциациясы тарапынан жүзеге асырылады.
«Біз компаниялардың әлеуметтік тұрақтылығын зерттейтін ірі жобаны іске асырып жатырмыз. Бұл жұмыс берушілерге еңбек нарығындағы тартымдылықты, корпоративтік жауапкершілік деңгейін және еңбек жағдайларын объективті түрде көруге мүмкіндік береді. Зерттеу нәтижесінде халықаралық стандарттарға және сенімді деректерге негізделген Қазақстан жұмыс берушілерінің рейтингі қалыптасады», – деді Қазақстан HR-мамандары Ассоциациясының үйлестіру кеңесінің Президенті Гүлмира Раисова.
Зерттеу екі блоктан тұрады: Қазақстанның барлық өңірлерінде қызметкерлер, HR-мамандар және халық арасында сауалнама жүргізу; сондай-ақ негізгі HR-көрсеткіштерін жинау және талдау.
Зерттеу нәтижесінде қатысушылар тегін және құпия түрде әлеуметтік тұрақтылық индексі, негізгі индекстер профилі, ТОП-5 күшті жақтар мен дамытылатын салалары бар негізгі есепті алады.
📌 Қатысу тегін
📌 Деректер құпия
📌 Өтінімдер 2026 жылғы 20 ақпанға дейін қабылданады
👉 Қатысуға өтінім беру үшін профильдегі сілтемеге өтіңіз.