26-28 қарашада ХЕҰ Қазақстан Республикасы Еңбек және халықты әлеуметтік қорғау министрлігінің Мемлекеттік еңбек инспекциясы комитеті үшін семинар өткізеді. Семинардың мақсаты ХЕҰ-нан еңбек инспекторларына өз өкілеттіктері шегінде еңбек заңнамасын сақтау аудитін тиімді жоспарлауға және жүзеге асыруға көмектесу болып табылады.
Жұмысберушілер атынан сөз алған «PARYZ» Конфедерациясының бас директоры Қ.Қадырбайұлы экономикасы мықты елдерде (Германия, Норвегия, Оңтүстік Корея, Канада) халықаралық тәжірибеге сәйкес тексерулер қорқыныш пен айыппұлға сүйенбейтінін атап өтті. Сондықтан қазақстандық бизнес қазақстандық еңбек инспекциясы қызметінің дамуын серіктестік, алдын алу және бизнестің экономикадағы рөлін құрметтеу моделі шеңберінде ғана қолдайды.
Еске салайық, Қазақстан еңбек инспекциясы туралы ХЕҰ екі конвенциясын да ратификациялаған: Еңбек инспекциясы туралы № 81 (1947 ж.) және Ауыл шаруашылығындағы еңбек инспекциясы туралы № 129 (1969) конвенциялары. Қазақстандағы еңбек инспекциясы жүйесінің алдында тұрған міндеттерге мыналар жатады: елдегі әлеуметтік-экономикалық жағдайдың сын-қатерлері мен күрделілігіне әрекет ету үшін еңбек инспекторларының санының жеткіліксіздігі; Кәсіпкерлік кодекстің ережелері инспекторлардың алдын ала ескертусіз тексеру, өз бастамасы бойынша тексерулер жүргізуге және еңбек инспекциясын қажетті кезеңділікпен және тиянақтылықпен жүргізуге мүмкіндігін шектейді.