«Эйр Астана» АҚ Қызметкерлерді басқару және әкімшілік мәселелер жөніндегі вице-президенті Е.Ни мен «PARYZ» ҰЖБК бас директоры А.Абихановтың қатысуымен кездесу өткізілді. Күн тәртібінде әуе компаниясының конфедерация қатарына қосылу мүмкіндігі қарастырылды. Сондай-ақ, екі жақ конфедерация мүшелерін қолдауға қажетті ағымдағы құралдар мен ұйымның жұмыс жоспарларын талқылады. Кездесу барысында «Эйр Астана» АҚ үшін «PARYZ» ҰЖБК шетелдік серіктесі – ХЕҰ (ILO) қатысуымен білім беру сессиясын өткізу туралы келісімге қол жеткізілді.