«PARYZ» Қазақстан Республикасы Ұлттық жұмыс берушілер конфедерациясы Орталық Азиядағы БҰҰ Жаһандық Келісімінің желісінің Бас Ассамблеясына қатысты.
Кеңес барысында Көпелдерлік кеңсе жұмысының негізгі мәселелері, әкімшілік рәсімдер және бастаманың қатысушылары арасындағы әрі қарайғы ынтымақтастық перспективалары талқыланды.
БҰҰ Жаһандық Келісімі – корпоративтік тұрақтылық пен әлеуметтік жауапкершілік саласындағы ең ірі халықаралық бастама. Ол бизнес пен ұйымдарды адам құқықтары, еңбек қатынастары, қоршаған ортаны қорғау және сыбайлас жемқорлыққа қарсы іс-қимыл салаларындағы әмбебап қағидаттарды ұстануға шақырады.
Бүгінде Орталық Азия елдерінде Жаһандық Келісімге қатысушылар саны 145-ке жетіп отыр. Олардың қатарында «PARYZ» конфедерациясы мен оның серіктестері – «Самұрық-Қазына» АҚ тобы, «Қазақмыс» және басқа да компаниялар бар.
«PARYZ» Конфедерациясы бастаманың белсенді қатысушысы ретінде «Орталық Азиядағы БҰҰ Жаһандық Келісімі желісі» заңды тұлғалар бірлестігінің құрылтайшыларының бірі болды.
Ассоциацияның негізгі мақсаты – Тұрақты даму мақсаттарын жүзеге асыру жолында бизнесті, мемлекеттік органдарды және қоғамды біріктіретін қуатты өңірлік институт құру, сондай-ақ өңірді жаһандық күн тәртібіне интеграциялау.
Ассоциацияның жоспарында – Орталық Азияға арналған панельдік сессияны БҰҰ-ның мерейтойлық 80-ші Бас Ассамблеясы аясында өткізу, сондай-ақ халықаралық деңгейдегі басқа да маңызды іс-шараларды ұйымдастыру бар.